Azərbaycan, Bakı, 29 mart /Trend/
Niderlandın türk əsilli "Eurovision 2012" təmsilçisi ona daha çox Türkiyədən səs gələcəyinə inanır.
Niderlandın "Eurovision" mahnı müsabiqəsi üzrə nümayəndə heyətinin rəhbəri Emilie Sickinghe müsabiqədə daha çox səs toplaya bilmək üçün mübarizə aparacaqlarını bildirib.
Trend-in məlumatına görə, nümayəndə heyətinin rəhbəri eurovision.az saytına müsahibəsində bildirib ki, Niderland təmsilçisi Joan Franka daha çox Almaniya, Türkiyə və türklərin yaşadığı hər ölkədən səs gözləyir.
"Joan Frankanın atası türkdür. Odur ki, Almaniya, Türkiyə və türklərin yaşadığı bütün ölkələrdən səs gözləyirik. Biz yüksək xal uğrunda rəqabət aparacağıq", - Sickinghe bildirib.