Azərbaycan, Bakı, 16 may /Trend, müxbirlər E.Mehdiyev, V.İmanov/
Bosniya və Herseqovinanı "Eurovision Mahnı Müsabiqəsi-2012"də təmsil edən Maya Sar Bakının gözəlliyinə, xüsusilə gecələrinə vurulduğunu deyib.
Trend-in məlumatına görə, "Bakı Kristal Zalı"nda ilk məşqindən sonra keçirdiyi mətbuat konfransında müğənni bundan əvvəl iştirak etdiyi yarışmalardan fərqli olaraq "Eurovision Mahnı Müsabiqəsi-2012"də daha çox həyəcan keçirdiyini söyləyib.
Müğənni müsabiqədə öz bəstələdiyi mahnı ilə çıxış edəcəyini deyib.