Azərbaycan, Bakı, 13 may /Trend/
Bu gün İsveçin Malmö şəhərində "Eurovision 2013" mahnı müsabiqəsinin rəsmi açılışı olub.
Trend-in məlumatına görə, açılış mərasiminin keçirildiyi Malmö Operada müsabiqə təmsilçiləri və nümayəndə heyətləri elan olunub. Mərasimdə Bakıda keçirilmiş "Eurovision 2012"-nin qalibi Lorin də iştirak edib. O, iştirakçılara uğurlar diləyib, layiqli təmsilçinin qələbə qazanmasını arzulayıb.
Sonra tədbir "EuroClub"da davam etdirilib.
Qeyd edək ki, Azərbaycanı builki müsabiqədə Fərid Məmmədov təmsil edəcək.