Bakı. Rufiz Hafizoğlu - Trend:
Türkiyədə Azərbaycanın ümummilli lideri Heydər Əliyevin vəfatının 15-ci ildönümü ilə əlaqədar simfonik orkestrin konserti təşkil ediləcək.
Trend-in məlumatına görə, konsert dekabrın 12-də İstanbulda “Cemal Reşit Rey” konsert salonunda “Bir millət, iki dövlət” adı altında keçiriləcək.
Konsertdə Azərbaycan və Türkiyə xalq mahnıları ilə yanaşı, Üzeyir Hacıbəylinin “Koroğlu”, “Arşın mal alan” əsərlərindən hissələr səsləndiriləcək.