...

Beynəlxalq Muğam Mərkəzində “Gəncliyin səsi” festivalının açılışı olacaq

Mədəniyyət Materials 31 Yanvar 2019 08:24 (UTC +04:00)
Beynəlxalq Muğam Mərkəzində “Gəncliyin səsi” festivalının açılış mərasimi keçiriləcək
Beynəlxalq Muğam Mərkəzində “Gəncliyin səsi” festivalının açılışı olacaq

Bakı. Trend:

Fevralın 1-də saat 12:00-də Beynəlxalq Muğam Mərkəzində Mədəniyyət Nazirliyi və Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə keçirilən “Gəncliyin səsi” festivalının açılış mərasimi keçiriləcək.

Mərkəzdən Trend-ə verilən məlumata görə, hər il olduğu kimi, Azərbaycan Respublikası Prezidentinin “2 fevral - Gənclər günü kimi qeyd olunması haqqında” Sərəncamına əsasən, habelə Azərbaycan Respublikası Prezidentinin 15 sentyabr 2017-ci il tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramı çərçivəsində Mədəniyyət Nazirliyi tərəfindən fevral ayının 1-dən 5-dək ənənəvi olaraq “Gəncliyin səsi” festivalı keçiriləcək.

Festival gənc istedadların üzə çıxarılması, onların yaradıcılıq axtarışlarının, bilik və bacarıqlarının, yaradıcılıq nailiyyətlərinin dəstəklənməsi, yeni istedadlı simaların aşkar olunması məqsədini daşıyır.
Festivalda mədəniyyətin müxtəlif sahələri üzrə peşəkar və həvəskar gənclərin iştirakı ilə konsertlərin, görüşlərin, foto və rəsm sərgilərinin, tamaşa və film nümayişlərinin təşkili nəzərdə tutulub.

Məqalədə:
Xəbər lenti

Xəbər lenti