...

“Global message” adlı virtual sərgi keçirilib (FOTO)

Mədəniyyət Materials 23 May 2020 23:16 (UTC +04:00)
“Global message” adlı virtual sərgi keçirilib (FOTO)

Trend-i buradan izləyin

Bakı. Trend:

Azərbaycan Rəspublikası Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə “Global message” adlı virtual sərgi keçirilib.

Nazirlikdən Trend-ə verilən məlumata görə, sərgi rəssam Zaur Kantemirov tərəfindən yaradılan plakatlar vasitəsilə bütün dünyanı təsiri altına alan koronavirus (COVID-19) pandemiyasından insanları qorumaq, karantin qaydalarına əməl etmək və orijinal yanaşmanı göstərmək məqsədi ilə həyata keçirilib.

Zaur İslam oğlu Kantemirov 28 avqust 1942-ci ildə Bakı şəhərində anadan olub. O, M.Əliyev adına Dövlət İncəsənət İnstitutunun məzunudur. Əməkdar rəssam çoxsaylı beynəlxalq, ümumittifaq və respublika sərgilərinin iştirakçısı və mükafatçısı olub. Həmçinin, müstəqil Azərbaycanın ilk poçt markalarından birinin müəllifidir. Son illər şüşə materialını əsas hədəf götürərək bir çox layihələrə imza atıb. "Şüşə qəlbli" təxəllüsünü də elə bu işlərinə görə qazanıb. 1992-ci ildə “Əməkdar rəssam” fəxri adına layiq görülmüşdür. Azərbaycan Rəssamlar İttifaqının üzvüdür.

Azərbaycan Dövlət Rəsm Qalereyası sənətsevərləri xüsusi karantin rejimi və sosial izolyasiya şəraitində sərgi salonlarının müvəqqəti bağlı olmasını nəzərə alaraq virtual sərgini izləməyə dəvət edir.

“Global message” adlı virtual sərgini Azərbaycan Dövlət Rəsm Qalereyasının sosial media hesabları vasitəsilə izləmək mümkündür.

Məqalədə:
Xəbər lenti

Xəbər lenti