Bakı. Trend:
Əziz dostlar, “İZ EDU FEST”in iştirakçıları və qonaqları!
2, 3, 4, 5, 6, 7 və 8 sentyabr 2024-cü ildə “Blue Mall” ticarət mərkəzində keçirilən İZ EDU FEST təhsil festivalı uğurla sona çatıb.
Trend xəbər verir ki, bu barədə “Qadınların biznes cəmiyyəti (İZ Community)” qürur hissi ilə məlumat verib.
Netvorkinq, ünsiyyət, biliklərin və təcrübənin bölüşdürülməsi imkanı yaradan tədbir məktəbliləri, abituriyentləri, valideynləri və təhsillə maraqlanan hər kəsi bir araya topladı.
Festival çərçivəsində:
- təhsil müəssisələrinin, liseylərin və təhsil-inkişaf mərkəzlərinin stendləri yer aldı;
- çoxsaylı ziyarətçiləri cəlb edən Azərbaycanın ofis (dəftərxana), dekor, geyim və aksesuarlar brendlərinin yarmarkası baş tutdu;
- musiqili-rəqs çıxışlarının daxil olduğu əyləncəli proqram, yaradıcı master-klasslar, rəsm və vokal konkursu;
- mediya nümayəndələri, jurnalistlər və blogerlərlə görüşlər keçirildi.
Təhsil, yaradıcılıq və əyləncəni birləşdirən İZ EDU FEST təkcə təhsil tədbiri deyildi, bu, bütün ailə üçün əsl bayram idi.
İZ Community və bütün komandamız tərəfindən gözəl “Blue Mall”da keçirilən festivalımıza qoşulan hər kəsə səmimi minnətdarlığımı bildirmək istəyirəm. Sizin sayənizdə “İZ EDU FEST” əsl bilik, yaradıcılıq və təb bayramına çevrildi.
Sevimli yazıçımız Bəhram əmiyə avtoqraf-sessiyaya və gənc oxucular və onların valideynləri ilə canlı ünsiyyətə görə xüsusi minnətdarlığımızı bildiririk. Aktiv iştiraka və ideyanı dəstəklədiyinə görə media nümayəndələrinə, jurnalistlərə və blogerlərə, festivalın hər gününə rəng və enerji qatan musiqili-rəqs proqramının artistlərinə və iştirakçılarına təşəkkür edirik.
Həmçinin, müsabiqələrin və master-klassların bütün iştirakçılarına kreativliyinə, zəhmətkeşliyinə və qeyri-adi işlərinə görə təşəkkür edirik. Sizin iştirakınız və dəstəyiniz “İZ EDU FEST”i parlaq və uğurlu etdi.
Hər biriniz bizim üçün dəyərlisiniz. Ümid edirik ki, bu tədbir sizin xatirinizdə ən xoş xatirələr buraxdı.
Dərin minnətdarlıq hissi ilə Rəna Nəcəfzadə-Sadəddinova “İZ Community”nin təsisçisi və rəhbəri.
Rəna Nəcəfzadə-Sadəddinovanın rəhbərlik etdiyi İZ Community Azərbaycan qadınlarına dəstək və onların inkişafı üçün ən qabaqcıl platforma olmaqda davam edir. Cəmiyyət 5000-dən artıq aktiv üzvü var və bu günə qədər 15000 nəfərin ziyarət etdiyi 350-dən artıq tədbir təşkil edib.
