Bakı. İlhamə İsabalayeva - Trend:
Təəssüflər olsun ki, dövlət qurumlarında da koronavirusa yoluxma halları var.
Trend-in məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində deyib.
Onun sözlərinə görə, Əmək və Əhalinin Sosial Müdafiəsi Nazirliyində 7, Prezident Administrasiyasında 19, Fövqəladə Hallar Nazirliyində 5 nəfərin bu virusa yoluxduğu müəyyən edilib.