Bakı. Trend:
Son bir həftə ərzində 3,7 milyondan çox insan koronavirusa yoluxub, 9 mindən çox insan ölüb. Əvvəlki 7 günlə müqayisədə yoluxma hallarının sayı 3 faiz, ölənlərin sayı isə 11 faiz azalıb.
Trend-in məlumatına görə, bu barədə Ümumdünya Səhiyyə Təşkilatı (ÜST) bildirib.
Bildirilib ki, keçən həftə, mayın 16-dan mayın 22-dək, "yanvardakı yüksək göstəricilərdən sonra [COVID-19-un yeni yoluxma hallarında] azalma tendensiyası davam etdi".
Xəstəlik 3 faiz, ölüm isə 11 faiz azalıb. ÜST-ə 3 721 079 infeksiyaya yoluxma və 9 440 ölüm faktı barədə məlumat daxil olub.