...

Milli Yaylaq Festivalından qayıdan jurnalistlər yolda köməksiz qalıb (FOTO)

Gündəm Materials 30 İyul 2022 22:00 (UTC +04:00)
Milli Yaylaq Festivalından qayıdan jurnalistlər yolda köməksiz qalıb (FOTO)
Elgün Mənsimov
Elgün Mənsimov
Bütün xəbərlər

Bakı. Elgün Mənsimov - Trend:

Bu gün Milli Yaylaq Festivalını işıqlandırmaq üçün Göygöl rayonuna səfər edən 40-dan çox jurnalist yağış səbəbindən hazırda Hacikənddə köməksiz vəziyyətdə qalıb.

Trend xəbər verir ki, yağış suyu torpaq yolu keçilməz edib.

Jurnalistlərin olduğu avtobusla yanaşı, festivaldan çıxan qonaqların əksəriyyəti eyni durumla üzləşib. Kilometrlərlə tıxac yaranıb, yolda hərəkət tamamilə dayanıb.

Avtobusun sürücüsü yol qurumayana qədər hərəkət edə bilməyəcəyini deyir. Çünki dolanbac aşırımlı yollarda avtobus sürüşür.

Hadisə ilə bağlı Göygöl Rayon İcra Hakimiyyətindən əlaqə saxlanılıb, problemin qısa zamanda həll ediləcəyi ilə bağlı tapşırıq verildiyini bildiriblər.

Qeyd edək ki, jurnalistlərin bugünkü səfəri Mədəniyyət Nazirliyi tərəfindən təşkil edilib.

Məqalədə:
Xəbər lenti

Xəbər lenti