Bakı. Trend:
Husilərin gəmilərə hücumlarının artması ilə əlaqədar Qırmızı dənizdəki böhran neft daşınması üçün ciddi risklər yaradır və bu, qiymət dəyişikliklərinə səbəb ola bilər.
Trend-in məlumatına görə, bu barədə ABŞ-ın "Chevron" neft və qaz şirkətinin rəhbəri Mayk Virt deyib.
"Bu, çox ciddi bir vəziyyətdir və, görünür, daha da pisləşir", - deyə o bildirib.
Şirkət rəhbəri vurğulayıb ki, "Chevron" şirkəti bu region vasitəsilə neft nəqlini davam etdirir və ABŞ Hərbi Dəniz Qüvvələri ilə sıx əməkdaşlıq edir.