...

Ağdam rayon sakininin itkin düşməsi faktı ilə bağlı yayılmış xəbərlərə Baş Prokurorluqdan REAKSİYA

Gündəm Materials 22 Fevral 2024 16:41 (UTC +04:00)
Ağdam rayon sakininin itkin düşməsi faktı ilə bağlı yayılmış xəbərlərə Baş Prokurorluqdan REAKSİYA
Asif Mehman
Asif Mehman
Bütün xəbərlər

Bakı. Trend:

Bəzi media qurumları tərəfindən rəsmi qurumla dəqiqləşdirmə aparmadan Nərgiz Nəcəfovanın Ağdam rayonu ərazisində itkin düşməsi faktına dair təhrif olunmuş məlumatlar yayılıb.

Baş Prokurorluqdan Trend-ə verilən məlumata görə, qeyd edilən hallar jurnalist etikasının pozulmasına səbəb olmaqla yanaşı, qanunvericiliklə nəzərdə tutulan qaydada inzibati və cinayət məsuliyyətinə səbəb olur.

Süni ajiotaj yaratmaq məqsədilə ictimailəşdirilmiş həmin məlumatlarla bağlı bildirilir ki, Ağdam rayon sakini 1996-cı il təvəllüdlü Nərgiz Nəcəfovanın 4 il əvvəl itkin düşməsi faktına bütün təfərrüatlar hərtərəfli araşdırılır.

Qeyd olunan faktla bağlı Cinayət Məcəlləsinin müvafiq maddəsi əsasında cinayət işi başlanmaqla istintaq aparılır.

Media subyektləri və sosial şəbəkə istifadəçilərindən qeyd olunan məsələyə həssaslıq nümayiş etdirməklə qanunvericiliyin tələblərinə riayət etməyi, dəqiqləşdirilməmiş və təhrif olunmuş məlumatların ictimailəşdirilməsindən çəkinməyi xahiş edirik.

Xəbər lenti

Xəbər lenti