Azərbaycan, Gəncə, 21 fevral / Trend , müxbir V.Əliyev/ Gəncə şəhərində fevralın 20-si gecə saatlarında qətl hadisəsi törədilib. Gəncə şəhər Prokurorluğundan cümə axşamı Trend ə bildiriblər ki, 16 yaşlı şəhər sakini Osman Fazil oğlu Abdullayev yaşadığı mənzildə 1984-cü il təvəllüdlü Goranboy rayon sakini Tural Muxtar oğlu İbrahimovu bıçaqla qətlə yetirib.
Ötən il Azərbaycanda 18667, o cümlədən daxili işlər orqanları tərəfindən 18067 cinayət qeydə alınıb. Daxili işlər orqanları tərəfindən qəsdən adam öldürmə cinayətlərinin 91,4%-nin üstü açılıb.
Qətl hadisəsinin törədilməsinə səbəb İbrahimovun Abdullayevin bacısı ilə sevgi munasibətləri qurması olub.
Faktla bağlı Gəncə şəhər Prokurorluğunda Cinayət Məcəlləsinin qəsdən adamöldürmə (120.1-ci) maddəsi ilə cinayət işi açılıb və Abdullayev saxlanılıb.
Gəncə paytaxt Bakıdan 365 kilometr qərbdə yerləşir.
