Azərbaycan, Bakı, 04 İyun / Trend , müxbir K.Zərbalıyeva/ Ötən gecə saat 23:45-də Şamaxı şəhərindən 12 kilometr qərbdə 4 bal gücündə zəlzələ qeydə alınıb. Bu barədə AMEA-nın Respublika Seysmoloji Xidmətinin direktor müavini Qurban Yetirmişli çərşənbə günü Trend -a bildirib.
Bundan öncə mayın 29-da Lənkəranda 3,5 bal gücündə zəlzələ qeydə alınmışdı.
Azərbaycanda dağıntı ilə nəticələnən sonuncu güclü zəlzələ 2000-ci ilin noyabrında qeydə alınıb.
Yetirmişli deyib ki, zəlzələ Şamaxı və Pirquluda 3-3,5 bal gücündə hiss edilib. Dağıntı və tələfat olmayıb. Onun sözlərinə görə, bu il ərzində respublikada 340 yeraltı təkan qeydə alınıb. Onlardan 7-si hiss olunan təkanlar olub.
Şamaxı paytaxt Bakıdan 160 kilometr məsafədə yerləşir.
Məqalə müəllifi ilə əlaqə ünvanı: [email protected]