Azərbaycan,Xaçmaz,11 iyun / Trend , müxbir A.Qafarov/ Azərbaycanın şimalında yerləşən Quba rayonunda istefada olan polis əməkdaşı həyat yoldaşını və qayınanasını qətlə yetirib.
Trend -un bölgə müxbirinin məlumatına görə, sabiq polis əməkdaşı, 55 yaşlı Əbülfət Hacıyev çərşənbə günü günorta saatlarında evində həyat yoldaşı Məlahət Hacıyevanı və qayınanası Raziyə Hacıyevanı özündə olan 16 kalibrli ov tüfəngi ilə öldürüb.
Hadisənin ailə münaqişəsi zəminində baş verdiyi bildirilir.
Sabiq polis əməkdaşı saxlanılıb və faktla bağlı Quba rayon prokurorluğunda Cinayət Məcəlləsinin iki və ya daha çox şəxsi qəsdən öldürmə (120.2.7-ci) maddəsi ilə cinayət işi açılıb.
Faktla bağlı araşdırma aparılır.
Quba paytaxt Bakıdan 170 kilometr şimalda yerləşir.
Məqalə müəllifi ilə əlaqə ünvanı: [email protected]