...

Azərbaycanın qərbində tikintidə işləyən fəhlə xəsarət alıb

Hadisə Materials 2 Oktyabr 2008 12:54

Trend-i buradan izləyin

Azərbaycan, Gəncə, 02 oktyabr / Trend , müxbir V.Əliyev/ Azərbaycanın qərbində yerləşən (paytaxt Bakıdan 400 kilometr aralı) Göygöl rayonunda tikintidə işləyən fəhlə daşqıran dəzgaha düşüb.

Göygöl rayon prokuroru Fizuli Əliyev cümə axşamı Trend -a bildirib ki, 55 yaşlı Goranboy rayon sakini Qurbanov Nurəddin Musa oğlu "Gəncə-beton" MMC-yə məxsus tikintidə iş zamanı daşqıran dəzgaha düşüb və başından ağır xəsarət alıb.

Qurbanov ağır vəziyyətdə rayon mərkəzi xəstəxanasına aparılıb.

Faktla bağlı rayon prokurorluğunda Cinayət Məcəlləsinin əmək mühafizəsi qaydalarının pozulması nəticəsində ehtiyatsızlıqdan insan sağlamlığına ağır və ya az ağır zərər vurulması (162.1-ci) maddəsi ilə cinayət işi açılıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti