Azərbaycan, Bakı, 05 noyabr / Trend , müxbir S.Kazımlı / Bakının Nəsimi rayonu ərazisində Azərbaycan telekanallarından birinin xanım əməkdaşına qarşı quldurluq edilib.
"Naməlum şəxs zərərçəkən yaşayan binanın girişində ona hədə-qorxu gələrək, pulunu və şəxsi əşyalarını əlindən alaraq qaçıb", - Nəsimi rayon Polis İdarəsindən çərşənbə günü Trend -a məlumat verilib.
Məlumata görə, noyabrın 4-də saat 13:00 radələrində naməlum şəxs Nizami küçəsi, ev 103, mənzil 53 ünvanda yaşayan, "Xəzər" televiziyasının müəllif aparıcısı İlhamə Tofiq qızı Novruzovaya yaşadığı binanın girişində yaxınlaşaraq, bıçaqla hədə-qorxu gəlib və içərisində 1350 manat pul, şəxsi əşyaları olan çantasını əlindən alaraq qaçıb.
Hazırda hadisəni törədən şəxsin müəyyən edilib, tutulması üçün polis əməkdaşları tərəfindən əməliyyat-axtarış tədbirləri davam etdirilir.
Faktla bağlı Nəsimi RPİ- də araşdırma aparılır.
Məqalə müəllifi ilə əlaqə ünvanı:[email protected]
