Azərbaycanda kişi arvadını "odnoklassniki.ru" saytında oğlanlarla yazışdığı üçün qətlə yetirib
Azərbaycan, Bakı, 2 avqust /Trend, müxbir K.Zərbalıyeva/
Azərbaycanın Mingəçevir şəhərində kişi arvadını "odnoklassniki.ru" saytında oğlanlarla yazışdığı üçün qətlə yetirib.
Baş Prokurorluğun internet-saytının bazar ertəsi yaydığı məlumata görə, avqustun 1-də saat 18:30 radələrində Salyan sakini İlkin Alıyev Mingəçevir şəhərində kirayənişin yaşadığı mənzildə qeyri-rəsmi nikahda olduğu Smirnova Yelena Aleksandrovnanı qısqanclıq zəminində bıçaqla 8-10 dəfə qarın, boğaz və bədəninin müxtəlif nahiyələrindən vuraraq öldürüb.
Polisə könüllü təslim olan Alıyev cinayəti qısqanclıq zəminində törətdiyini etiraf edib və bildirib ki, həyat yoldaşını "odnoklassniki.ru" saytında oğlanlarla tanış olub yazışmasına görə öldürüb.
Faktla bağlı Azərbaycan Respublikası Cinayət Məcəlləsinin 120.1-ci maddəsi ilə cinayət işi başlanmış, iş üzrə müvafiq ekspertizalar təyin olunmuşdur.
Hazırda iş üzrə istintaq şəhər prokurorluğunda davam etdirilir.
