Azərbaycan, Bakı, 5 avqust /Trend, müxbir K.Zərbalıyeva/
Bakıda məcburi köçkünlərin məskunlaşdıqları yataqxanada dünən axşam baş vermiş yanğın elektrik şitinin partlaması nəticəsində yaranıb.
Yasamal Rayon Polis İdarəsindən cümə axşamı Trend-ə verilən məlumata görə, avqustun 4-dən 5-nə keçən gecə Zahid Xəlilov küçəsi - 54 ünvanda baş vermiş yanğın zamanı 6 nəfər yüngül yanıq xəsarətləri alıb. Xəsarət alanlar içərisində uşaqların da olduğu bildirilir.
İlkin tibbi yardım göstəriləndən sonra onlar evə buraxılıblar.
Yanğın zamanı yataqxanada 10 kv.m sahə yanıb.