Azərbaycan, Bakı, 11 fevral /Trend, müxbir K.Zərbalıyeva/
Ötən ilin dekabrında Bakıda mənzildən oğurluq etmiş şəxs tutulub.
Bakı şəhər Baş Polis İdarəsinin mətbuat xidmətindən cümə günü Trend-ə verilən məlumata görə, ötən il Yeni il bayramında Bakıxanov qəsəbəsi, Məhsəti Gəncəvi küçəsində yaşayan Sevda Səmədovanın mənzilindən 4000 manat, 300 avro və qızıl-zinət əşyaları oğurlanıb.
Keçirilmiş əməliyyat tədbirləri nəticəsində mənzildən oğurluq etməkdə şübhəli bilinən Bakıxanov qəsəbə sakini Rauf Nəsrəddinov Sabunçu rayon Polis İdarəsinin 13-cü polis bölməsinin əməkdaşları tərəfindən yaxalanıb.
Onun barəsində cinayət işi başlanıb, istintaq aparılır.