Azərbaycan, Bakı, 1 aprel /Trend, müxbir K.Zərbalıyeva/
Bakıda bağ evində baş verən yanğında 1 nəfər xəsarət alıb.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 1-də saat 02:30 radələrində Suraxanı rayonu Hövsan qəsəbəsindəki bağ evində yaşayan Viktor Kobzevin 1 otaqlı evində yanğın olub.
Nəticədə 20 kvadratmetr sahədə evin yanar konstruksiyaları və oradakı əşyalar yanıb, yanıq xəsarəti almış Kobzev isə xəstəxanaya yerləşdirilib.
Faktla bağlı araşdırma aparılır.