Azərbaycan, Bakı, 11 iyun /Trend/
Azərbaycanın İranla sərhəd bölgəsində külli miqdarda narkotik vasitə aşkarlanıb.
Daxili İşlər Nazirliyinin mətbuat xidmətindən şənbə günü Trend-ə bildiriblər ki, DİN Baş Mütəşəkkil Cinayətkarlıqla Mübarizə İdarəsi və Astara RPŞ əməkdaşları tərəfindən Arzuman Qənbərovun narkotik vasitəni Ocəkəran kənd sakini Valeh Zülfüqarovdan, onun isə Vənəşkəş kənd sakini Sübhan Həndəmovdan və Pəlikəş kənd sakini Manaf Baxşıyevdən almaları müəyyən edilərək tutulublar.
Baxşıyevin Kicəbə qəsəbəsi ərazisində gizlətdiyi 30 kiloqram narkotik vasitə olan həşiş aşkar edilərək götürülüb.