Azərbaycan, Bakı, 20 iyul /Trend, müxbir K.Zərbalıyeva/
Fövqəladə Hallar Nazirliyinin xilasediciləri batmış iki nəfərin cəsədini tapıb.
Trend-in nazirliyin internet saytına istinadən verdiyi məlumata görə, iyulun 19-da Yuxarı Qarabağ kanalının Yevlax rayonu, Malbinəsi kəndi ərazisindən keçən hissəsində batmış 1987-ci il təvəllüdlü Cabbarov Şamo Vaqif oğlunun cəsədi dalğıc-xilasedicilər tərəfindən Yuxarı Qarabağ kanalının Bərdə rayonu, Qarayusifli kəndi ərazisindən keçən hissəsində tapılaraq sudan çıxarılıb.
Həmin gün Xəzər dənizinin Mərdəkan sahillərində, dənizin nəzarətsiz ərazisində batmış 1990-cı il təvəllüdlü Mehdiyev Anar Ağamir oğlunun cəsədi tapılaraq sudan çıxarılıb.
Hər iki cəsəd aidiyyəti üzrə təhvil verilib.