Azərbaycan, Bakı, 8 sentyabr /Trend, müxbir K.Zərbalıyeva/
Bakıda 19 yaşlı qadın sürücü 3 piyadanı vurub.
Suraxanı rayon prokurorluğundan Trend-ə verilən məlumata görə, bu gün saat 12:30 radələrində Mərdəkan istiqamətində hərəkət edən 1992-ci il təvəllüdlü Mədinə Mütəllibova idarə etdiyi "Lexus" markalı avtomobillə 3 nəfəri vurub.
Hadisə zamanı şəxsiyyətləri hələlik məlum olmayan bir kişi və bir uşaq ölüb, bir qadın isə ağır vəziyyətdə xəstəxanaya aparılıb.
Hüquq-mühafizə orqanlarındakı mənbədən Trend-ə bildiriblər ki, yol qəzasını törədən Mədinə Mütəllibova eks-prezident Ayaz Mütəllibovun kiçik oğlu Zaur Mütəllibovun qızıdır.
Azərbaycan Sosial Demokrat Partiyasının (ASDP) sədri Araz Əlizadə Trend-ə açıqlamasında Mədinə Mütəllibovanın Ayaz Mütəllibovun nəvəsi olduğunu təsdiqləyib. ASDP sədri bildirib ki, hadisə yerüstü piyada keçidinin yaxınlığında baş verib.
Faktla bağlı araşdırma aparılır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
