...

5 saylı cəzaçəkmə müəssisəsinin keçmiş rəisi həbs olunub

Hadisə Materials 17 Yanvar 2012 11:18 (UTC +04:00)
Salyanda yerləşən 5 saylı cəzaçəkmə müəssisəsinin keçmiş rəisi həbs olunub.
5 saylı cəzaçəkmə müəssisəsinin keçmiş rəisi həbs olunub

Azərbaycan, Bakı, 17 yanvar /Trend, müxbir K.Zərbalıyeva/

Salyanda yerləşən 5 saylı cəzaçəkmə müəssisəsinin keçmiş rəisi həbs olunub.

Salyan Rayon Polis Şöbəsinin baş müstəntiqi Ramil Məhərrəmov Trend-ə bildirib ki, Xələcdəki 5 saylı müəssisənin sabiq rəisi Faiq Güləliyev dünən Bakıda Mərdəkan qəsəbəsində həbs olunaraq Salyana gətirilib.

Müstəntiqin sözlərinə görə, o, rəis işlədiyi müddətdə 2010-2011-ci illərdə vətəndaşları Ədliyyə Nazirliyində işə düzəltmək adı ilə aldadıb və onlardan külli miqdarda pul alaraq mənimsəyib.

Araşdırmalara görə, onun 5 nəfərdən 50 min manat məbləğində pul aldığı məlum olub.

Faktla bağlı Cinayət Məcəlləsinin dələduzluq (178-ci) maddəsi ilə cinayət işi başlanıb.

Müstəntiq bildirib ki, vətəndaşların şikayəti əsasında araşdırmalara başlanılıb. Onun əməllərindən zərər çəkmiş digər şəxslərin də olduğu ehtimal edilir.

Xəbər lenti

Xəbər lenti