Azərbaycan, Bakı, 3 fevral /Trend müxbir K.Zərbalıyeva/
Cəlilabad sakini ehtiyatsızlıqdan odlu silahdan açılan atəş nəticəsində ölüb.
Trend-in cümə günü Daxili İşlər Nazirliyinin rəsmi saytına istinadən verdiyi məlumata görə, fevralın 2-də saat 16:00 radələrində Cəlilabad rayonunun Günəşli kənd sakini Araz Baxşıyev kəndin ərazisindəki istifadə edilməyən köhnə şərab zavodunun hasarından aşarkən ehtiyatsızlığı nəticəsində ov tüfəngindən açılmış atəşdən aldığı xəsarətdən ölüb.
Hadisə yerindən 1 ədəd "TOZ-16" markalı tüfəng götürülüb.
İlkin məlumatlara əsasən, Baxşıyev ovdan qayıdarkən yolu qısa olsun deyə, zavodun hasarından aşmaq istəyib.