Azərbaycan, Bakı, 18 fevral /Trend, müxbir A.Tağıyeva/
Türkiyədə sərnişin avtobusunun qəzaya uğraması nəticəsində üç Azərbaycan vətəndaşı xəsarət alıb.
Trend-in Türkiyə KİV-nə istinadən verdiyi məlumata görə, Türkiyədə İstanbul - Ağrı istiqamətində hərəkət edən sərnişin avtobusu Ərzincan vilayəti ərazisində başqa bir avtobusla toqquşub.
Qəza nəticəsində 21 sərnişin xəsarət alıb.
Sərnişinlərdən 3 nəfəri Azərbaycan vətəndaşıdır.
Erzincanın müxtəlif xəstəxanalarına çatdırılan yaralıların vəziyyətinin qənaətbəxş olduğu bildirilir.
Neon Xəstəxanasından Trend-ə bildiriblər ki, xəsarət alan azərbaycanlıların vəziyyəti normaldır.