Azərbaycan, Bakı, 16 may / Trend müxbir K.Zərbalıyeva/
Bakı polisi 10 ildən artıqdır axtarışda olan şəxsi tutub.
Trend-in Daxili İşlər Nazirliyinin rəsmi saytına istinadən verdiyi məlumata görə, 2000-ci ilədək qüvvədə olmuş Cinayət Məcəlləsinin qəsdən adam öldürmə (95-ci) maddəsilə ilə Mingəçevir şəhər Polis Şöbəsi tərəfindən axtarışda olan Azad Rüstəmov Zabrat qəsəbəsindəki evində Sabunçu Rayon Polis İdarəsinin 15-ci polis bölməsinin əməkdaşları tərəfindən tutulub.
Onun üzərinə baxış zamanı fotoşəkili yapışdırılmış, lakin Bakı şəhər sakini İldırım Sərdarova məxsus şəxsiyyət vəsiqəsi aşkar edilərək götürülüb.