Azərbaycan, Bakı, 31 may / Trend müxbir K.Zərbalıyeva/
Bu gecə Bakıda sərnişin avtobusu aşıb.
Respublika Baş Dövlət Yol Polisi İdarəsindən Trend-ə verilən məlumata görə, mayın 30-dan 31-ə keçən gecə, saat 00:10-da Binəqədi şosesində, Binəqədi rayon yol polisi şöbəsinin yaxınlığında 133 saylı avtobus yoldan çıxaraq yolun kənarındakı kafenin heyətinə girib.
Hadisə zamanı avtobusdakı 5 sərnişin xəsarət alıb.
Hadisə yerinə olan şahidlərin Trend-ə verdiyi məlumata görə, qəza nəticəsində 7 nəfər xəsarət alıb. Şahidlər avtobus sürücüsünün içkili vəziyyətdə olduğunu bildiriblər. Qəza zamanı kafeyə maddi ziyan dəyib.
Faktla bağlı cinayət işi başlanıb.