Azərbaycan, Bakı, 27 iyul / Trend müxbir K.Zərbalıyeva/
Beyləqanda yaşayış evində partlayış olub, 5 nəfər xəsarət alıb.
Trend-in Daxili İşlər Nazirliyinin rəsmi saytına istinadən verdiyi məlumata görə, iyulun 26-da saat 23.20 radələrində Beyləqan rayonunun Günəşli kənd sakini Vaqif Qəhrəmanovun evində məişətdə istifadə olunan qaz balonu partlayıb.
Nəticədə yanıq xəsarətləri almış ev sahibi və 4 nəfərdən ibarət ailə üzvləri xəstəxanaya yerləşdiriliblər.