Azərbaycan, Bakı, 11 sentyabr /Trend, müxbir İ.İsabalayeva/
Bu gün səhər Sabunçu rayonu ərazisində - Hava Limanı yolunda "Daewoo" markalı 54 saylı marşrut avtobusunun yoldan çıxması nəticəsində 1 nəfər xəsarət alıb.
Bu barədə Trend-ə Bakı şəhər Təcili və Təxirəsalınmaz Tibbi Yardım Stansiyasının Operativ və hospital işlərinin təşkili şöbəsinin böyük həkimi Zemfira Vahidova deyib.
Onun sözlərinə görə, həmin şəxs Sabuncu rayonundakı 3 saylı xəstəxanaya yerləşdirilib.
Xəstəxanadan isə Trend-ə bildirilib ki, zərərçəkən qadındır. Onun vəziyyəti qənaətbəxş qiymətləndirilir.