Azərbaycan, Bakı, 8 oktyabr /Trend, müxbir K.Zərbalıyeva/
Bakıda 25 yaşlı gənc qətlə yetirilib.
Suraxanı rayon prokurorluğundan Trend-ə verilən məlumata görə, Qaraçuxur qəsəbəsində, 146 saylı orta məktəbin qarşısında aralarında yaranmış mübahisə zəminində 1991-ci il təvəllüdlü Ramiz Əliyev 1987-ci il təvəllüdlü Vüsal Cavadova bıçaqla xəsarət yetirib.
Cavadov aldığı xəsarətdən dünyasını dəyişib.
Əliyev şübhəli şəxs qismində saxlanılıb.
Faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.