Azərbaycan, Bakı, 5 noyabr /Trend, müxbir A.Tağıyeva /
Türkiyənin Kahramanmaraş şəhərində suriyalı qaçqınların "Doğu kənd" düşərgəsində kütləvi dava baş verib. Trend-in məlumatına görə, bu barədə bazar ertəsi "Time Turk" qəzeti yazır.
Qəzetin məlumatına görə, dava hələ müəyyən edilməmiş səbəbdən baş verib. Hadisə zamanı 18 yaşlı qaçqın həlak olub.
Fövqəladə vəziyyətlərin nəticələrinin aradan qaldırılması üzrə İdarənin (AFAD) məlumatına görə, Türkiyə ərazisindəki suriyalı qaçqınların sayı 105 min nəfərə çatıb. Hatay, Şanlıurfa, Qaziantep və Kahramanmaraşda suriyalı qaçqınlar üçün ümumilikdə 10 çadır şəhərciyi fəaliyyət göstərir.