Azərbaycan, Bakı, 7 noyabr /Trend, müxbir K.Zərbalıyeva/
Bakıda qeydiyyatsız yaşayan Gürcüstan vətəndaşı inzibati məsuliyyətə cəlb olunub.
Bakı şəhər Baş Polis İdarəsindən Trend-ə verilən məlumata görə, Xəzər rayon Polis İdarəsi və 2-ci polis bölməsinin əməkdaşları Gürcüstan vətəndaşı Pitskahalava Mamuka Vanoviçin qeydiyyatsız yaşadığı üçün barəsində İnzibati Xətalar Məcəlləsinin 339.1-ci (əsnəbilər və vətəndaşlığı olmayan şəxslər tərəfindən Azərbaycan Respublikasında olma qaydalarının pozulması) maddəsi ilə protokol tərtib edib.
Onu Baş Pasport Qeydiyyat və Miqrasiya İdarəsinin Qanunsuz Miqrantlara Qarşı Mübarizə İdarəsinə təhvil veriblər.