Azərbaycan, Bakı, 24 noyabr /Trend, müxbir K.Zərbalıyeva/
Kürdəmirdə yanacaq daşıyan maşın yük avtomobili ilə toqquşub.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Kürdəmir rayonu, Karrar kəndində Bakı-Qazax yolunun 158-ci kilometrliyində vətəndaşa məxsus "KAMAZ" markalı yanacaq daşıyan avtomobil və "SHACMAN" markalı yük maşını toqquşub.
Nəticədə, "KAMAZ" markalı yük avtomobilinin sürücüsü hadisə yerində ölüb, digər avtomobilin sürücüsü yaralanıb və xəstəxanaya aparılıb.
Yanğınsöndürən-xilasedicilər hadisə yerində müvafiq təhlükəsizlik tədbirləri görüblər. Hadisə ilə əlaqədar müvafiq qurumlar tərəfindən təhqiqat aparılır.