Azərbaycan, Bakı, 5 dekabr /Trend/
İranda avtobusun qəzaya uğraması nəticəsində 4 Azərbaycan vətəndaşı xəsarət alıb. Trend-in məlumatına görə, bu barədə İran televiziyasının saytı "IribNews" Qəzvin yol polisinin rəhbəri Müzəffər Hüseyniyə istinadən xəbər verir.
Avtobus Astara-Tehran avtomobil yolu ilə hərəkət edirmiş. Qəza nəticəsində nəqliyyat vasitəsi Qəzvin yaxınlığında uçuruma yuvarlanıb.
32 nəfərin xəsarət aldığı (18-nin vəziyyəti ağırdır) qəza bu gün səhər saatlarında baş verib.
İlkin məlumata görə, hadisənin baş verməsində təqsirkar avtobusun sürücüsüdür.