...

Gürcüstandan Azərbaycana külli miqdarda qaçaqmal telefon keçirilməsinə cəhd edilib

Hadisə Materials 21 Dekabr 2012 15:17 (UTC +04:00)
"Sınıq Körpü" gömrük postunda Gürcüstandan Azərbaycana külli miqdarda qaçaqmal telefon keçirilməsinin qarşısı alınıb.
Gürcüstandan Azərbaycana külli miqdarda qaçaqmal telefon keçirilməsinə cəhd edilib

Trend-i buradan izləyin

Azərbaycan, Bakı, 21 dekabr /Trend, müxbir K.Zərbalıyeva/

"Sınıq Körpü" gömrük postunda Gürcüstandan Azərbaycana külli miqdarda qaçaqmal telefon keçirilməsinin qarşısı alınıb.

Dövlət Gömrük Komitəsindən Trend-ə verilən məlumata görə, Gürcüstandan respublikamıza gələn Azərbaycan vətəndaşı Zaur Rzayevin etibarnamə ilə idarə etdiyi "BMW-525" markalı 10 NZ 856 dövlət nömrə nişanlı minik avtomobilinə gömrük nəzarəti həyata keçirilib.

Nəzarət zamanı həmin avtomobilin yük yerində, ehtiyat təkərin içərisindən, arxa oturacağın arasında olan boşluqdan və müxtəlif gizli saxlanc yerlərindən gömrük nəzarətindən gizlədilmiş şəkildə cəmi 171 ədəd "Nokia" və "Samsung" markalı mobil telefonlar və mobil telefonlara aid aksesuarlar - 171 ədəd qidalandırma cihazı, 171 ədəd karton qutu, 84 ədəd "qulaqcıq", 25 ədəd USB kabel və 5 ədəd CD disk aşkar edilib.

Həmçinin, Azərbaycan vətəndaşı, Gəncə şəhər sakini Mahmudov İsa İsmayıl oğlunun idarə etdiyi "QAZ 33021" markalı 23 BF 582 dövlət nömrə nişanlı yük avtomobilinə gömrük nəzarəti zamanı nəqliyyat vasitəsinin yük yerinin qabaq hissəsində xüsusi düzəldilmiş arakəsmənin işərisindən bütün aksesuarları ilə birgə cəmi 504 ədəd "Nokia", "Samsung", "Xpress Music" və "KenXinDa" markalı mobil telefonlar gömrük nəzarətindən gizlədilmiş şəkildə aşkar edilərək saxlanılıb.

Xatırladaq ki, təkcə son altı ayda Tovuz Gömrük İdarəsinin "Sınıq Körpü" gömrük postunda gömrük nəzarətindən gizlədilmiş şəkildə 3823 ədəd müxtəlif markalı mobil telefonlar, 6107 ədəd mobil telefonlar üçün aksesuarlar aşkar edilərək götürülüb.

Məqalədə:
Xəbər lenti

Xəbər lenti