Azərbaycan, Bakı, 29 dekabr /Trend /
Bakıda vətəndaşa məxsus ikimərtəbəli fərdi yaşayış evində dağıntı ilə nəticələnən partlayış hadisəsi baş verib.
Trend-in Fövqəladə Hallar Nazirliyinin rəsmi saytına istinadən verdiyi məlumata görə,yanğın hadisəsi olmayıb.
İlkin ehtimala görə, partlayış məişət qazının sızması nəticəsində baş verib. Partlayış nəticəsində evin bir hissəsi uçub.
Hazırda Fövqəladə Hallar Nazirliyinin xilasediciləri və yanğın bölmələri hadisə yerinə cəlb olunub.