Azərbaycan, Bakı, 26 yanvar /Trend/
İranda baş vermiş zəlzələ Azərbaycanda da hiss olunub. Bu barədə FHN-nin rəsmi saytında məlumat verilib.
Şənbə günü saat 20:17-də Böhran Vəziyyətlərində İdarəetmə Mərkəzinə, Azərbaycan Milli Elmlər Akademiyası Respublika Seysmoloji Xidmət Mərkəzindən daxil olmuş məlumata əsasən, 26 yanvar 2013-cü il tarixində Bakı vaxtı ilə saat 19:10-da İran İslam Respublikasında zəlzələ qeydə alınmışdır.
Zəlzələ Azərbaycan Respublikasının İran İslam Respublikası ilə sərhəddə yerləşən rayonlarında 3 bala qədər hiss olunmuşdur. Azərbaycan ərazisində insan tələfatı və dağıntı haqqında məlumat daxil olmamışdır.