...

Azərbaycan sərhədçiləri Xəzərdə balıqçıların həyatını xilas ediblər

Hadisə Materials 15 Fevral 2013 17:23 (UTC +04:00)
DSX-nın sərhəd naryadı Xəzərin Neftçala sahillərində 2 nəfərin həyatını xilas edib.
Azərbaycan sərhədçiləri Xəzərdə balıqçıların həyatını xilas ediblər

Azərbaycan, Bakı, 15 fevral /Trend, müxbir İ.İzzət/

DSX-nın sərhəd naryadı Xəzərin Neftçala sahillərində 2 nəfərin həyatını xilas edib.

Trend Dövlət Sərhəd Xidmətinin (DSX) mətbuat xidmətinə istinadən xəbər verir ki, fevralın 14-də saat 10:30 radələrində DSX-nin Sahil Mühafizəsinin Neftçala rayonundakı Dalğa kəndinin ərazisində yerləşən sahil nəzarət məntəqəsinin xidməti sahəsində sərhəd naryadı sahildən 200 metr aralıda balıqçı qayığında 2 nəfərin dalğaya düşərək batmasını müşahidə edib.

Dənizdə batan balıqçılara kömək məqsədilə dərhal lazımi tədbirlər görülüb. Nəticədə balıqçılar - Neftçala rayon sakinləri Ayazov Tural Ələsgər oğlu və Ayazov Şəmsəddin Ələsgər oğlu xilas edilrək batmış qayıqla birlikdə sahilə çıxarılıblar.

Məqalədə:
Xəbər lenti

Xəbər lenti