Azərbaycan, Bakı, 12 aprel /Trend, müxbir İ.İzzət/
Xırdalan şəhərinin ərazisindəki "Stara Praqa" kafesində kazino-qumarxana təşkil edildiyi müəyyən edilib.
Trend DİN-in yaydığı rəsmi məlumatına istinadən xəbər verir ki, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat tədbirləri nəticəsində Xırdalan şəhərinin ərazisində şəhər sakini Məhərrəm Aliyarovun icarəyə götürdüyü "Stara Praqa" kafesində kazino-qumarxana təşkil etdiyi müəyyən edilib.
Kafeyə baxış zamanı kazino təşkili üçün 11 ədəd kompyuter dəsti, 1 ədəd server-prosessor, 1 ədəd modem, uduşa qoyulmuş pul və digər əşyalar aşkar edilərək götürülüb.
Faktla bağlı araşdırma aparılır.