Azərbaycan, Bakı, 26 avqust /Trend, müxbir İ.İzzət/
Şabran rayonunda yaşayan qadın özünü Samur-Abşeron su kanalına atıb.
Trend Daxili İşlər Nazirliyinin (DİN) rəsmi saytına istinadən xəbər verir ki, avqustun 25-də Şabran rayonunda yaşayan Ramilə Eyvazova özünü Samur-Abşeron su kanalına atıb. Hazırda Eyvazovanın meyitinin sudan çıxarılması üçün tədbirlər görülür.
Qeyd edək ki, Ramilə Yaqub qızı Eyvazova 1986-cı il təvəllüdlüdür.
İlkin yoxlama prokurorluq tərəfindən aparılır.