Azərbaycan, Bakı, 25 noyabr /Trend/
"Moskva" ticarət mərkəzində aparılan "Sipər-2" əməliyyatı çərçivəsində paytaxt polisinin reydi zamanı polis bölmələrinə təxminən 700 nəfər gətirilib. Trend-in məlumatına görə, bu barədə "İnterfaks"a Rusiya DİN Moskva Şəhər Baş İdarəsindən məlumat verilib.
Bir müddət əvvəl xəbər verilmişdi ki, səhər "Moskva" TM-də "Sipər-2" əməliyyatı çərçivəsində polis reydi başlayıb. Polis əməkdaşları tərəfindən TM ərazisində qeyri-qanuni miqrasiya, silah, narkotiklərin qanunsuz dövriyyəsi faktları aşkara çıxarılıb.
İdarənin məlumatında deyilir: "700-ə yaxın şəxs miqrasiya qanunvericiliyinin pozulması və əvvəllər törədilmiş cinayətlərdə iştirakla bağlı yoxlamalar üçün polis bölmələrinə gətirilib".