Azərbaycan, Bakı, 7 dekabr /Trend, müxbir İ.İzzət/
Bakıda avtomobillərdən oğurluq edən və qaçıran iki nəfər tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Suraxanı Rayon Polis İdarəsinin 30-cu Polis Bölməsi əməkdaşlarının keçirdiyi əməliyyat tədbiri nəticəsində avtomobil qaçırmaqda və oğurluqda şübhəli bilinən Bakı şəhər sakinləri - Aydın Ağayev və Babək Əhmədov tutulublar.
Məlum olub ki, onlar oktyabrın 24-nə keçən gecə, Hövsan qəsəbəsi Şahsuvarov küçəsində Rahib Həsənova məxsus "VAZ-2107", Noyabrın 21-nə kecən gecə isə Ş.Ziyadov küçəsində Rafiq Əliyevə məxsus "Ford-Tranzit" markalı avtomobilləri qaçırıblar.
Bundan başqa, onlar oktyabrın 29-da Hövsan qəsəbəsi E.Qasımov küçəsində Elçin Məmmədova məxsus "VAZ-21011" markalı avtomobildən şəxsiyyət vəsiqəsi, noyabrın 15-nə keçən gecə isə Hövsan qəsəbəsi 12/13-cü məhəllədə Etibar Əliyarova məxsus "VAZ-2107" markalı avtomobildən pul oğurlayıblar.
Araşdırmalar davam etdirilir.