Azərbaycan, Bakı, 29 may /Trend/
Gəncə şəhər sakini, 1979-ci il təvəllüdlü Qurbanov Səbuhi Şikar oğlu bədənin müxtəlif nahiyələrinin kəsilmiş, deşilmiş yarası ilə sərxoş halda Gəncə şəhər Təcili Tibbi Yardım xəstəxanasının tarvmatologiya şöbəsinə gətirilib.
Trend Kəpəz TV-yə istinadən xəbər verir ki, dərhal həkimlər tərəfindən xəstəyə ilkin tibbi yardım göstərilərək palataya yerləşdirilib. Zərərçəkən hadisə barədə danışmaq istəməsə də ilkin müayinələrdən sonra zərərçəkmişin bıçaq zərbəsi aldığı ehtimal edilir.
Faktla bağlı Gəncə şəhər Polis İdarəsində araşdırma aparılır.