Azərbaycan, Bakı, 18 iyun /Trend, İlkin İzzət/
Bakıda dələduzluğa və qəsdən sağlamlığa yüngül zərər vurmaya görə axtarışda olan iki nəfər tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Qaradağ Rayon Polis İdarəsi (RPİ) 10-cu Polis Bölməsi (PB) əməkdaşlarının keçirdikləri əməliyyat-axtarış tədbirləri nəticəsində Azərbaycan Respublikası Cinayət Məcəlləsinin 178-ci (dələduzluq) maddəsi ilə axtarışda olan 1970-ci il təvəllüdlü İstambul Əmirov tutulub.
Yasamal RPİ 29-cu PB əməkdaşlarının keçirdikləri əməliyyat-axtarış tədbirləri nəticəsində isə Cinayət Məcəlləsinin 128-ci (qəsdən sağlamlığa yüngül zərər vurma) maddəsi ilə axtarışda olan Coşqun Rəfiyev tutulub.