Azərbaycan, Bakı, 3 sentyabr /Trend, müxbir İlkin İzzət/
Bakıda avtomobil qaçırmış keçmiş məhkum tutulub.
Bakı şəhər Baş Polis İdarəsinin mətbuat xidmətindən Trend-ə bildiriblər ki, avqustun 29-na keçən gecə paytaxtın Hüseyn Cavid prospektindən Rahib Səfərova məxsus "VAZ-2107" markalı avtomobil qaçırılıb.
DİN NHİX-TŞ, ÇPA, Yasamal RPİ PPXB, DYPŞ və 28-ci PB əməkdaşlarının keçirdikləri əməliyyat tədbirləri nəticəsində, avtomobil sentyabrın 2-i saat 01:30 radələrində A.Abbasov, küçəsində üzərində avqust ayında Nəsimi rayonu Q.Quliyev küçəsində Zarema Saarbəyovaya məxsus "Chevrolet-Aveo" markalı avtomobildən oğurlanmış hər iki dövlət nömrə nişanı ilə birlikdə aşkar edilib. Avtomobili idarə edən Bakı şəhər sakini, əvvəllər məhkum olunmuş 1977-ci il təvəllüdlü Fuad Əsədov tutulub.