Azərbaycan, Bakı, 10 sentyabr /Trend, müxbir İlkin İzzət/
Bakıda soyğunçuluqla məşğul olan iki nəfər tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, avqustun 29-u saat 14 radələrində İ.Dadaşov küçəsində iki naməlum şəxs Bakı şəhər sakini Əbülfəz Rəhimovu hədələyərək mobil telefonunu və əynindəki cins gödəkçəsini alaraq gediblər.
Binəqədi Rayon Polis İdarəsi 5-ci Polis Bölməsinin keçirdiyi əməliyyat tədbiri nəticəsində soyğunçuluqda şübhəli bilinən Astara rayon sakini Novruz Baxşıyev və Mingəçevir şəhər sakini Elgün Asifli tutulublar.