Azərbaycan, Bakı, 25 sentyabr /Trend, müxbir İlkin İzzət/
Bakıda çay evində iki nəfəri bıçaqlayan şəxs axtarılır.
Bakı şəhəri Suraxanı Rayon Polis İdarəsindən Trend-ə verilən məlumata görə, sentyabrın 24-də saat 21-də Suraxanı rayonu Bülbülə qəsəbəsində yerləşən çay evlərinin birində şəxsiyyəti hələlik məlum olmayan şəxs 1988-ci il təvəllüdlü Musayev Ülvi Əlimirzə oğluna və 1988-ci ilə təvəllüdlü Heydərov Zaur Bəxtiyar oğluna bıçaqla kəsilmiş-deşilmiş xəsarətlər yetirib. Hazırda həmin şəxsin tapılması istiqamətində istintaq-əməliyyat tədbirləri davam etdirilir.
Faktla bağlı cinayət işi açılıb, Suraxanı Rayon Polis İdarəsinin İstintaq şöbəsində araşdırma aparılır.