Azərbaycan, Bakı, 31 oktyabr /Trend, müxbir Rufiz Hafizoğlu/
Türkiyənin cənub-qərbində yerləşən İsparta vilayətində içərisində fəhlələrin olduğu avtobus aşıb. Trend xəbər verir ki, bu barədə cümə günü "Milliyet" qəzeti məlumat yayıb.
Yol qəzasında 12 nəfər ölüb, 8 nəfər yaralanıb. Yaralılar xəstəxanaya yerləşdirilib.
Qəzaya sürücünün idarəetməni itirməsi səbəb olub, nəticədə avtomobil aşıb.
Ölən və xəsarət alanların hamısı Türkiyə vətəndaşlarıdır.